Koret har øving i Førdehuset måndagar, men har og særskilde korseminar i høve større prosjekt. Sjå elles semesterplan under medlemsinfo. Medlemmene av koret er rekrutterte frå kommunane Førde, Naustdal og Høyanger.

For tida er det ei viss venteliste på damestemmene, men koret vil gjerne knyte til seg nye manns-stemmer. Koret har opptaksprøve. Interesserte kan kontakte dirigent Elizabeth Oltedal.

Dirigenten
Elizabeth Oltedal er utdanna i musikk og musikkpedagogikk frå Durham og London Universities. Ho har budd i Norge frå 1984, og har sidan 1991 mellom anna vore dirigent for Førde kammerkor. I 1998 tok ho hovudfagseksamen i korleiing ved Norges Musikkhøgskole. No underviser ho i musikk ved lærarutdanninga på Høgskulen i Sogn og Fjordane.
Elizabeth Oltedal har etter kvart opparbeidd seg ry som ein svært dyktig og inspirerande dirigent, og ho er ein sentral ressursperson for korrørsla både i og utanfor fylket

Tidlegare aktivitet
Koret har i hovudsak halde konsertar lokalt i Sogn og Fjordane fylke (kyrkjekonsertar, operettekavalkade, folkemusikk med meir), men og i Bergen (Festspillene 1988, Troldhaugen 1989, 1997), Stavanger
(Swingle-seminar 1988), Skien (Korfestival 1997), Gulen med "Gulatinget" (2005), Bergen domkirke 2006, og i utlandet i samband med korturar; England, Shrewsbury (1993), Polen, Krakow (1994), Ungarn, Budapest (2000) og Vilnius, Litauen (2005)..

Av større prosjekt dei seinare åra må nemnast:

"Petite Messe Solenelle" av Rossini 1995 (Samarbeid med Rikskonsertane,
dir. Stefan Skõld)
"Sigeunerlieder" av Brahms 1997
"Gloria" av John Rutter 1998 (Eksamenskonsert Elizabeth Oltedal)
"Carmina Burana" av Carl Orff 1999
"Eit barn er født" CD 1999
"Juleoratoriet" av Bach 2000 (dir. Karstein Askeland)

"Broadway Melodies" med Gisle Børge Styve 2001
"Requiem" av Gabriel Fauré 2001
"NorSa 2002" - korfestival i Port Elizabeth, Sør-Afrika, 2002
"Juleoratoriet" av Bach 2002 (dir. Eivind Gullberg Jensen)
"Oratoriet Messias" av Händel 2003 (dir. Elizabeth Oltedal)
"Requiem" av Maurice Duruflé 2004 (Samarb. Hordal. kammerkor, dir.E. Oltedal)
"Magnificat" av Johann Sebastian Bach 2005 (dir. Thomas Caplin)
"Gulatinget"av Palle Mikkelborg 2005 ( dir. Elizabeth Oltedal)
Konsertar sammen med organist Magnar Mangersnes, Olavskoret 2006 (dir. Asbjørn Flåm)
"Carmina Burana " av Carl Orff 2007, kor, orkester, dans og drama ( dir. Helge Haukås)